La Mastro de'l Ringoj: Fantazio reflektas Realon

Ĉi sube sekvas partojn de tre interesan artikolon: La Mastro de'l Ringoj kaj la Fido Kristana. Temas pri artikolo el: La KrucoSigno, paĝaro katolika el Nov-Zelando, de Pastro Edmund Little, tradukis Mike Leon.

"Tolkien estis pia katoliko kaj lia verko reflektas lian fidon. Al sacerdota amiko li skribis: "Kompreneble 'La Mastro de l'Ringoj' estas verko fundamente religia kaj katolika; nekonscie tiel en la komenco, sed konscie tiel en la revizio".

Mankas eskapismo ĉi tie se, per eskapismo, la malamikema kritikisto volas diri fuĝon de severa realo. La fantazio de Tolkien servas kiel spegulo por reflekti realon - severan aŭ male - al liaj legantoj tiel, ke ili rekonas tiun saman realon en sia mondo.

Tolkien emfazas la malĝojan veron, ke malbono povas venki eĉ la grandulojn kaj la bonulojn. Kiel Elrond rimarkis al Boromir: " ... nenio estas malbona en la komenco. Eĉ Sauron ne estis tiel". Elrond asertas la kristanan principon, ke la kreaĵaro estas bona. Sole malbonas koruptigo de boneco kaj ribelo kontraŭ ĝi. Malbono estas parazita kaj negativa, sed negativa forto povas tamen posedi grandan kaj teruran potencon.

Tolkien atentigas, ke lia verko estas eskapisma ĉi tiu-sence: ke ĝi portretas aferojn, lokojn kaj homojn de kiuj iu ajn mense sana persono volus fuĝi. Kiu dezirus restadi en Mordor? Sole la gardistoj kontrauas la eskapon de la senkulpaj kaj subpremataj kaptitoj.
Eskapi tamen ne estas la sama kiel fuĝi de respondeco. Gandalf forlasas vivon feliĉegan en Valinor por eniri Mez-Teron kaj kontraŭbatali la potencojn de malbono. Li mortas kaj relevigas de morto.
Frodo kaj Sam liberigas Mez-Teron de la potenco de la Malluma Lordo per forlaso de la sekureco ĉehejma, kaj eniras la turmentojn de Mordor. Kristanoj rekonos multajn eĥojn de la Evangelioj. Kristo elversis sin, kiel Paŭlo diras, kaj fariĝis kiel homoj estas (kp. Filemono 2:7).

En la malhelo kaj haladzo de Mordor, Sam subite ekvidas stelon. La penso penetras lin, ke fine "la ombro estas io nur malgranda kaj kelktempa: preter ĝia atingo estas lumo kaj alta belo por ciam". Kristanismo ankaŭ emfazas kaj la realecon de malbono kaj ĝian finfinan malvenkon. Jesuo petis al siaj disciploj ke ili ne timu, ĉar kvankam ili spertos malfacilon en falinta mondo fikstenata de peko kaj suferado, tiun mondon li jam venkis.

La Evangelio proklamas ke la humiluloj heredos la teron. Estas la humilaj kaj negravaj hobitoj kiuj savas Mez-Teron de malbono, dum la saĝuloj kaj la fieruloj ludas sekundaran rolon."

ankaŭ legu: Tolkien en Esperanto